...

Bank VTB-nin (Azərbaycan) ilin birinci yarısında mənfəəti 3 milyon manatı keçib

Biznes və iqtisadiyyat xəbərləri Materials 21 İyul 2017 17:42 (UTC +04:00)
Bank VTB (Azərbaycan) bu ilin birinci yarısını mənfəətlə başa vurub
Bank VTB-nin (Azərbaycan) ilin birinci yarısında mənfəəti 3 milyon manatı keçib

Bakı. Trend:

Bank VTB (Azərbaycan) bu ilin birinci yarısını mənfəətlə başa vurub.

Bankdan Trend-ə verilən məlumata görə, 2017-ci ilin birinci yarısının nəticələrinə əsasən, bank VTB (Azərbaycan)-ın mənfəəti 3 mln manatı keçib.

Cari ilin 30 iyun tarixinə bankın aktivləri təqribən 405 mln manat, öhdəlikləri isə 366 mln manat olub. Bankın öhdəliklərinin təqribən yarısı – 177,5 mln manatı depozitlər təşkil edib.

İkinci rübün sonuna bankın kredit portfeli 323 mln manatı ötüb ki, bu məbləğin də 200 mln manatı hüquqi şəxslərin və sahibkarların payına düşüb.

Hesabat dövründə bankın məcmu kapitalı 50,9 mln manat olub ki, bu da AR Mərkəzi Bankının kommersiya banklarının kapitalına dair tələblərə tam cavab verir.Birinci və ikinci dərəcəli kapital adekvatlığı tələblər 5% və 10% olduğu halda müvafiq olaraq 29,71% və 50,38% təşkil edib.

Bank VTB (Azərbaycan) ASC VTB Bank ASC-nin törəmə bankıdır. Bank VTB (Azərbaycan) ASC-nin səhmdarları: VTB Bank ASC və “AtaHolding” MMC-dir. Bank VTB (Azərbaycan) ASC korporativ biznesi, kiçik və fərdi biznesi təmsil edən müştərilərə, eləcədə fiziki şəxslərə xidmət göstərir. Bu gün bank 14 filial və Baş ofis yanında Müştəri xidmətləri İdarəsi ilə təmsil olunub

Məqalədə:
Xəbər lenti

Xəbər lenti