Azərbaycanda yükdaşımalırının tarifi ucuzlaşır. Dövlət Statistika Komitəsindən Trend ə verilən məlumata görə, may ayında nəqliyyatla yükdaşımalarının tarifi orta hesabla 1,3% ucuzlaşıb. Eləcə də, dəmiryolu ilə yükdaşımaları 2,8%, dəniz nəqliyyatı ilə 1% aşağı düşüb. Hava, boru kəməri və avtomobil nəqliyyatında yükdaşımalarında tariflər dəyişməyib.
Bu zaman daxili dəmiryollarında yküdaşımaları tarifləri əvvəlki aylarla müqayisədə daxili daşınmalar üçün 8,8% və 0,9% tranzit tariflər üçün bahalaşıb. Lakin Azərbaycandan nəql olunan yüklər üçün tariflər 17,2% və Azərbaycana gətirilən yüklər üçün isə 5,6% ucuzlaşıb.
Bir ay ərzində MDB ölkələri və digər xarici ölkələr üçün dəniz nəqliyyatı vasitəsilə hər iki istiqamətdə yükdaşımalarının tarifi 1% ucuzlaşıb. MDB ölkələrinə hava nəqliyyatı ilə yükdaşımalarının tarifi 0,8% ucuzlaşıb. Bu zaman daxili və digər ölkələrə yükdaşınmalarının tarifi dəyişməyib.