Avropa Birliyi (AB) Azərbaycanda daha 12 layihə həyata keçirmək niyyətindədir. Bu barədə Trend ə AB-nin Azərbaycandakı nümayəndəliyindən bildiriblər.
Onların arasında Azərbaycan Nazirlər Kabinetinin yenidən qurulması və orada islahatların aparılması, beynəlxalq mühasibat standartlarının qəbulu, qiymətli kağızların beynəlxalq bazarının yaradılması, məhkəmə sistemində islahatların aparlıması, nəqliyyat sektorunun yenidən qurulması üzrə xüsusi işçi qrupunun yaradılması üzrə layihələr də var.
Həmçinin, təşkilatın perspektivinə ölkənin İqtisadi İnkişaf Nazirliyinə institusional yardım, dövlət ticarət sistemində islahatların aparılmasına, vergi sisteminin təkmilləşdirilməsinə , Yanacaq və Energetika Nazirliyinə yardım layihələrinin reallaşdırılması da daxildir.