Asiya İnkişaf Bankı (AİB) Azərbaycanda yol tikinti layihələrini maliyyələşdirməyə hazırdır. Nazirlər Kabinetində Trend ə xəbər verildiyi kimi, AİB Cənub istiqamətindəki yolların maliyyələşdirilməsini daha məqsədəuyğun hesab edirdi, lakin hazırda bank istənilən istiqamətlərdə yolların bərpası və tikintisi üzrə layihələrin maliyyələşdirilməsi üçün vəsait ayırmaq niyyətindədir.
AİB Beynəlxalq Yenidənqurma və İnkişaf Bankının (BYİB - Dünya bank qrupu) ayırdığı həcmdə maliyyə vəsati verməyi planlaşdırır. Hazırda BYİB Ələt-Astara magistralının bərpasına $300 mln maliyyə vəsaiti ayırmağı nəzərdə tutub.
Azərbaycanda yolların ümumi uzunluğu 24 min km təşkil edir, bunun 6 min km magistral, 18 min km isə yerli magistralların payına düşür. Təkcə magistral avtomobil yollarının bərpasına və tikintisinə $2 milyarddan artıq vəsait tələb olunur.