Dünya Bankının (DB) Bakı nümayəndəliyinin yeni rəhbərinin adı sentyabrda məlum olacaqdır. Bankdan Trend xəbər agentliyinə verilən məlumata görə, il yarım bundan əvvəl nümayəndəliyə rəhbər təyin olunmuş liviyalı Əhməd Cəhani səlahiyyət müddətinin başa çatmasına daha il yarım qalmasına baxmayaraq iyulun 29-da Bakını tərk edərək Vaşinqtona qayıdıb.
Ə.Cəhaninin Bakını erkən tərk etməsinin əsas səbəbi ailə problemləri ilə əlaqədar olub. Hazırda isə bankın nümayəndəliyinin rəhbəri vəzifəsinə müvəqqəti olaraq əvvəllər DB-nin Bakı ofisinin rəhbəri olmuş pakistanlı Əkbər Noman təyin olunub.
Bakı nümayəndəliyində səlahiyyət müddəti başa çatdıqdan sonra DB-də fəaliyyətini dayandıran Ə.Noman hazırda Kolumbiya universitetində çalışır. O DB-nin rəhbərliyinin xahişi ilə təqribən bir ay müddətində bankın Bakı nümayəndəliyinin rəhbəri vəzifəsini icra edəcək.
...