Cari ilin dekabr ayına kimi epizootiyaya qarşı bioloji preparatlar Kənd Təsərrüfatı Nazirliyinə gətiriləcək. Nazirliyin epizootiya ilə mübarizə və müalicə proflaktika şöbəsinin müdiri Qədim Məhərrəmovun Trend ə bildirdiyinə görə, vaksinlər keçən il KTN-in elan etdiyi tenderdə qalib gəlmiş Ukraynanın "Ridan İnjenerinq" şirkəti tərəfindən tədarük olunacaq.
Nazirliyin nümayəndəsinin sözlərinə görə, bir neçə gün ərzində tenderin qalibi ilə müvafiq saziş imzalanacaq.
"Bu tədbirlər Nazirlik tərəfindən hər il keçirilir və preparatların alınması üçün maliyyə vəsati dövlət büdcəsindən ayrılır", - deyə Q.Məhərrəmov bildirib.
Bundan başqa, artıq ilin əvvəlində heyvanlar vaksinlə peyvənd olunub və payızda da belə tədbirlərin həyata keçirilməsi gözlənilir.