Azərbaycanın iş adamlarından ibarət nümayəndə heyəti Budapeştə səfər edəcək. Bu barədə Trend ə Azərbaycanın İxracın Təşqviqi və İnvestisiyalar Fondundan məlumat verilib. Səfərdə məqsəd noyabrın 22-23-də macarıstanlı həmkarlarla danışıqlar aparmaq və hər iki ölkə arasında əməkdaşlığı genişləndirməkdir.
Nümayəndə heyəti iqtisadiyyatın müxtəlif sahələrində fəaliyyət göstərən, xüsusilə ət və süd məhsullarının, tikinti materiallarının istehsalı ilə məşğul olan 15-16 nəfər iş adamından ibarətdir. Biznes-forumda Macarıstanla qonşu olan Avropa ölkələri iş adamlarının da iştirakı planlaşdırılır.
Qeyd edək ki, səfər Azərbaycanın Macarıstandakı səfirliyi və İxracın Təşviqi və İnvestisiyalar Fondunun dəstəyi ilə həyata keçirilir.