5-10 gün ərzində maliyyə Nazirliyi Kapitalbank və Azərbaycan Beynəlxalq bankının (ABB) nizamnamə kapitalında (NK) dövlət payının ödənilməsini başa çatdırmaq niyyətindədir. Bu barədə Trend ə maliyyə Nazirliyində bildirilib. Bu, Nazirlər Kabinetinin 2006-cı ildə büdcə vəsaitlərinin sərf olunması qrafikini təsdiq etməsi ilə əlaqədar mümkün olub.
ABB-nin kapitallaşdırılması üçün 26,1 mlrd. manat, Kapitalbanka isə 5 mlrd. manat ayrılacaq.
Dövlət banklarında dövlət payının doldurulmasına 2005-ci ilin dekabrından başlanılıb. Maliyyə nazirliyi artıq ümumilikdə 39,9 mlrd. manat həcmində vəsait ayırıb. Bu vəsaitdən 15 mlrd. manat Kapitalbankın NK-nin artırılmasına yönəldilib ki, bunun nəticəsində də NK 55 mlrd. manatadək artırılıb. Müvafiq olaraq, ABB-yə 24,1 mlrd. manat ayrılıb ki, bundan sonra bank NK 124,1 mlrd. manat təşkil edib.
ABB NK-da 49,8% özəl fiziki və hüquqi şəxslərə (o cümlədən banklara) malik olduğu üçün kapitallaşdırılma da onların tərəfindən aparılmalıdır. Bu səhmdarlar üçün aksiya emissiyalarının yerləşdirilməsi Bakı fond birjasında hazırkı səhmdarlar arasında aparılacaq.