2005-ci ilin sentyabrından başlayaraq Azərdəmiryolbank Səhmdar Bankı hər ay "Uduşlu əmanətlər" lotereyası keçirir. Trend in xəbər verdiyi kimi, bankın press-relizində deyilir ki, bu dövr ərzində Azərdəmiryolbank-da 7 tiraj keçirilib və əmanətçilər $17500 qazanıb.
Lotereya iştirakçıları banka 1 ildən çox müddətə $2000 (valyuta növündən asılı olmayaraq) qoymuş müştəriləridir. "Uduşlu əmanətlər" lotereyası hər ayın 10-da keçirilir və $2500 oynanılır. Bu uduş 4 qalib arasında bölüşdürülür ($1500, $500, $300, $200). Növbəti 8-ci tiraj aprelin 10-da Azərdəmiryolbank-ın baş ofisində keçiriləcək.