Mayın 21-22-də Londonda Avropa Yenidənqurma və İnkişaf Bankı (AYİB) üzv dövlətlərinin illik görüşü keçiriləcək. İclas çərçivəsində biznes-forum da təşkil olunacaq. Trend agentliyinin məlumatına əsasən, bu barədə AYİB-in yaydığı məlumatda deyilir.
Azərbaycanı tədbirdə iqtisadi inkişaf naziri Heydər Babayev təmsil edəcək.
İclasda AYİB ölkələri kapital ehtiyatlarının 5 illik icmalı kontekstində bankın yaxın illər üçün strateji kursunu müəyyənləşdirəcək.
Biznes-forum iştirakçıları regionda investisiya qoyuluşu perspektivləri üzrə fikir mübadiləsi aparacaq. Görüşdə bir sıra ölkələrin nazirləri, aparıcı investorlar, korporasiya və QHT rəhbərləri iştirak edəcək.