Mayın 10-da Azərbaycan Nəqliyyat Nazirliyi Şamaxı rayonunun Pirsaat çayı üzərində yeni körpü açır. Nazirlikdən Trend ə verilən məlumata görə, tədbir strukturun rəhbəri Ziya Məmmədovun iştirakı ilə keçiriləcək.
Bu körpü Şamaxı-Çuxuryurd-Qızmeydan avtomobil yolunda tikilib. Körpünün uzunluğu 150 m, eni 10 m-dir. Layihənin dəyəri isə 1,6 mln. AZN təşkil edir.
Körpünün tikintisinə 2005-ci ilin iyununda Azərbaycan prezidentinin sərəncamı ilə başlanıb. Körpünün layihəçisi "Texnomost" olub. Tikinti işləri "Körpübinatikinti" SC tərəfindən həyata keçirilib.