ƏDV ödəyicisi kimi qeydiyyata alınma ilə bağlı 750 müraciətin 250-nə müsbət cavab verilib. Trend in xəbər verdiyi kimi, bu barədə Azərbaycan Vergilər Nazirliyi operativ uçot və iqtisadi analiz idarəsinin rəhbəri Zaur Fətizadə məlumat verib.
Müraciətlərin əksəriyyəti ƏDV ödəyicisi kimi fəaliyyət göstərmək üçün icazə verilməsi üzrə 7 parametrə uyğun gələn yeni müəssisələr tərəfindən daxil olub", - deyə o qeyd edib.
Z.Fətizadənin sözlərinə görə, hazırda ƏDV ödəyicisi kimi fəaliyyətə icazə verilməsi tendensiyasının aşağı düşməsi müşahidə olunur. 2006-cı ildə 1 mindən çox şəxs qoyulmuş qaydalara əməl etmədiyi üçün belə imkandan məhrum edilib. Ancaq hazırda belə kütləvilik müşahidə edilmir.