AZAL dövlət konsernindən Trend ə verilən məlumata əsasən, İstanbul hava limanının yük terminalındakı yanğın Bakı-İstanbul-Bakı hava reysinin gerçəkləşməsinə təsir göstərməyib.
"Bu gün İstanbuldan Bakıya reys yoxdur. Axşam Bakıdan İstanbula bir reys həyata keçiriləcək. Bu reysin təxirə salınması ehtimal olunmur" - deyə dövlət konsernində qeyd ediblər.
Bu məlumatı Bakı-İstanbul reysini gerçəkləşdirən Turkish Airlines şirktəində də təsdiqləyiblər. Şirkət nümayəndələrinin sözlərinə görə, yanğına baxmayaraq, uçuşlar əvvəlki rejimdə davam edir.
Yanğın əsas sərnişin terminalından təxminən 1 km aralıda yerləşən yük terminalını bürüyüb. Atatürk adına beynəlxalq hava limanında böyük yanğın baş verib. Hava limanı binasından mindən çox adam evakuasiya edilib.