Azərbaycanın Nazirlər kabineti pul kütləsinin tənzimlənməsi məsələsini və onun sterilizasiya üsullarını müzakirə edib. Trend in verdiyi xəbərə görə, bu barədə jurnalistlərə iqtisadi inkişaf naziri Heydər Babayev bildirib.
"Müzakirələr səmərəli olub və biz müzakirələri davam etdirəcəyik. Bu halda dövlət qiymətli kağızlar bazarının canlanması mühüm yer tutur. Bu istiqamətdə tədbirin olacağı planlaşdırılır, o cümlədən qiymətli kağızlar bazarının inkişafı üzrə Nazirlər kabinetinin sərəncamı gözlənilir", - deyə H.Babayev bildirib.