A-GROUP sığorta şirkəti Moody International beynəlxalq müstəqil auditorun ISO-9001 menecmenti qismində keyfiyyət standartlarına uyğun resertifikatlaşdırılmasından keçib. Bu barədə cümə axşamı Trend ə A-GROUP şirkətindən məlumat verilib.
Moody International tərəfindən A-GROUP bölmələrinin kompleks auditi aparılıb. Sertifikat təsdiq edir ki, A-GROUP ISO 9001:2000 beynəlxalq standartın tələblərinə cavab verən keyfiyyət menecmenti sistemini tətbiq edib və dəstəkləyir.
Beynəlxalq keyfiyyət menecmenti sisteminin tətbiq olunmasının əsas məqsədi şirkətin xidmətlərinin keyfiyyətinin yüksəldilməsidir, bu isə A-GROUP şirkətinin siyasətində istiqamətverici amillərdən biridir.