Azərbaycan,Bakı/müxbir Trend S.Əliyev/Bu il Azərbaycan Dövlət Dəmir Yolu (ADDY) altı lokomotiv almaq niyyətindədir. Bu barədə ADDY-in rəhbəri Arif Əsgərov məlumat verib.
Ötən il dəmir yolu dövlət büdcəsindən ayrılmış 10 milyon dollar hesabına beş lokomotiv əldə edib. Şəxsi vəsait hesabına 4 elektrovoz əldə olunub. ADDY-in Rusiyanın Şimali-Qafqaz Dəmir Yolundan aldığı bir lokomativin dəyəri 220 min dollar məbləğindədir.
Yeni lokomotivlər dəmir yolu tərkibinin yeniləşdirilməsi üçün əldə olunur. ADDY nümayəndələrinin qeyd etdiyi kimi, hazırda tərkibin təxminən 80%-nin resursları tükənib.