Azərbaycan, Gəncə/ Trend müxbir V.Məmmədov/ Yaxın iki gündə Gəncə Avtomobil Zavodunda Belarus 80.1, Belarus 82.1, Belarus 1221 markalı traktorların sənaye yığımına başlanacaq. Gəncə Avtomobil Zavodunun direktoru Xanlar Fətiyevin sözlərinə görə, martın 7-də 60 traktor üçün hissələr Minskdən yola salınıb və ən geci 15-16 mart tarixlərində zavoda çatdırılacaq.
Müəssisədə yerli mütəxəssislərin iştirakı ilə montaj işləri həyata keçiriləcək. Minsk Traktor Zavodunun aparıcı mütəxəssislərinin sözlərinə görə, Gəncə zavodundakı avadanlıqlar traktorların yığımı üçün tam hazır vəziyyətdədir.