Azərbaycan, Bakı/ Trend müxbir İ.Xəlilova/ Azərbaycan Milli Bankı (AMB) 2007-ci ilin yanvar-may ayları ərzində ölkənin bank sektorunda bankların kapitallaşması ilə bağlı vəziyyətin yaxşılaşdığını təsdiq edir. AMB-dən bildirilib ki, ölkədə fəaliyyət göstərən 43 bankın iyunun 1-i üçün ümumi kapitalı 767,6 mln. manat təşkil edir ki, bu da 2007-ci ilin əvvəli ilə müqayisədə 27,2 mln. manat artım deməkdir (yanvarın 1-nə 603,3 mln. manat). Ölkədə 44 bank mövcuddur, lakin "Poctbank" hesabatda nəzərə alınmır, belə ki, onun əməliyyatları tamamilə məhdudlaşdırılıb.
Iyunun 1-nə olan göstəriciyə əsasən 23 bankın kapitalı 10 mln. manatı ötür, 17 bankın kapitallaşması isə 5-10 mln. manat civarındadır.
May ayında beş bankın kapitallaşma strukturunda dəyişiklik olub. Belə ki, 5 bank kapitalı 10 mln. manat olan banklar sırasına daxil olub. AMB-nin 1 yanvar tarixli normativ tələbinə əsasən, banklar ümumi kapitallarını 8,2 mln. manat səviyyəsində, iyulun 1-dən isə 10 mln. manat səviyyəsində formalaşdırmalıdırlar.
Bununla belə, Azərbaycanda fəaliyyət göstərən banklardan üçünün ümumi kapitalı 3,5-5 mln. manat səviyyəsindədir. AMB-nin 1 fevral tarixli sanksiyasına əsasən, bu banklar əhalidən əmanətlərin qəbulu hüququndan məhrum olublar. Amma göründüyü kimi, bir sıra banklar hələ də kapitalın tələb olunan səviyyəyə çatdırılması üçün tədbirlər görməyib.