Gürcüstan, Tbilisi / müx. Trend N.Kirtsxalia/ "Bakı-Tbilisi-Qars" dəmir yolu layihəsi Gürcüstan üçün tamamilə yeni imkanlar yaradır. Gürcüstanın iqtisadi inkişaf naziri Georgiy Arveladzenin bəyan etdiyi kimi, bu layihə Gürcüstanı Avropa ilə birləşdirəcək.
"Bakı-Tbilisi-Qars" dəmir yolunun tikintisi Gürcüstan, Azərbaycan və Türkiyə hökumətləri arasında razılaşdırılıb. Yolun öz payına düşən hissəsinin tikintisi üçün Gürcüstan Azərbaycan Beynəlxalq Bankından 220 mln. dollar həcmində kredit alacaq.
Nazir bəyan edib ki, tikinti prosesi ilin üçüncü rübündə başlayacaq. "Tikinti prosesi yaxın zamanlarda başlayacaq və bu, region və Gürcüstan üçün mühim bir layihədir" - deyə nazir bildirib.
O qeyd edib ki, layihəni həyata keçirmək məqsədilə şərqdən, yəni Çindən və şimaldan material cəlb etmək lazımdır. "Yüklərin cəlb edilməsi, yüklənmənin artırılması ilk növbədə regionun inkişafına, yeni iş yerlərinin və məşğulluğun yaranmasına səbəb olacaq" - deyə Arveladze bildirib.
Nazirin sözlərinə görə, iyulun 18-19-da bu məsələ ilə bağlı yaradılmış İşçi qrupun görüşü keçiriləcək.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
