Azərbaycan, Bakı/ Trend / Azərbaycanın Kənd Təsərrüfatı Nazirliyində cümə günü kənd təsərrüfatı məhsulları istehsalçılarına subsidiyaların verilməsi üzrə Respublika Komissiyasının toplantısı olub.
Nazirliyin mətbuat xidmətindən verilən məlumata görə, iclasda Respublika Komissiyasının sədri, kənd təsrrüfatı naziri İsmət Abasova işçi qrupunun gördüyü işlər və istehsalçılara yanacaq və motor yaağlarına görə veriləcək vəsaitlə əlaqədar 6 rayon komissiyasının təqdim etdiyi materiallar barədə məlumat verilib.
Komissiya Ağdam, Qazax, Kürdəmir, Biləsuvar, Zərdab, Masallı rayon komissiyalarının yardım verilməsi ilə əlaqədar təqdim etdiyi materiallara baxaraq onları məqbul hesab edib.
Gübrələrin dəyərinin 50 faizinin dövlət büdcəsi vəsaiti hesabına ödənilməsi barədə qərar qəbul olunub.
Bu günə qədər Azərbaycanın 25 ryonundan olan istehsalçılara susbsidiyaların ayrılması məqbul hesab olunub.