Azərbaycan, Bakı / Trend müxbir V.Şərifov/ Azərbaycan Respublikası Dövlət Neft Şirkəti (ARDNŞ) Türkiyənin Ceyhan limanından nəql olunan "Azeri Light" markalı neft partiyasının satışı üzrə tenderi bağlı elan edib. ARDNŞ-dan verilən məlumata görə, ARDNŞ-ın 1 mln. barrel neftin satışı ilə bağlı elan etdiyi tenderin qalibi Yeni Zelandiyanın "Sumato Energy" şirkəti olub. Neft limana "Bakı -Tbilisi-Ceyhan" kəməri vasitəsilə çatdırılır.
Neft partiyası 30 oktyabr-1 noyabr taixlərində yüklənəcək. Bu il "Sumato Energy" ARDNŞ-ın tenderlərində Ceyhan limanından 3 mln. barrel neft alıb. ARDNŞ ilin əvvəlindən başlayaraq keçirilən tenderlərdə 15,6 mln. barrel neft satıb.
ARDNŞ-ın Ceyhan limanından satdığı nefti 2007-ci ildə aşağıdakı şirkətlər əldə edib:
"Glencore Energy" -yanvar (1 mln. barrel);
VİLMA OİL - yanvar - fevral (1 mln. barrel);
"Select Energy" - fevral (600 min barrel);
"Select Energy" - fevral-mart (1 mln. barrel);
"Glencore Energy" - mart (1 mln. barrel);
"Addax" - mart (1 mln. barrel);
"Sumato Energy" - aprel (1 mln. barrel);
"Select Energy" - aprel (1 mln. barrel);
"Arcadia"- may (2 mln. barrel);
"OMV Supply & Trading" - may (1 mln. barrel);
"Vitol" - iyun (1 mln. barrel);
"Shell"- iyun (1 mln. barrel);
"Sumato Energy" - iyul (1 mln. barrel);
"Exxon-Mobil" - oktyabr (1 mln. barrel);
"Sumato Energy" - noyabr (1 mln. barrel)