Azərbaycan, Bakı/ Trend , müxbir S.Ağayeva/ Estoniya Xəzər dənizindən Baltik dənizinə neft kəməri çəkilməsi layihəsini dəstəkləyir. Bunu bazar ertəsi Bakıda brifinqdə Estoniya XİN rəhbəri Urmas Paet bildirib.
"Biz Aİ-nin energetika siyasətini tam dəstəkləyirik və Avropaya enerji tədarükünün diversifikasiyasını mühüm hesab edirik",-deyə o söyləyib.
Nazirin sözlərinə görə, Estoniya Odessa-Brodı-Plotsk boru kəmərinin çəkilməsi layihəsində maraqlıdır.
O söyləyib ki, boru kəmərinin marşrutu və göstəriciləri hələ bəlli deyil, lakin Estoniya bu layihəni dəstəkləyəcək.