Azərbaycan, Bakı / Trend / Cari ilin yanvar-noyabrında Azərbaycanın Dövlət Neft Şirkəti, əməliyyat şirkətləri (ƏŞ) və birgə müəssisələr (BM) affşor və anşor yataqlarından 8,07 mln. ton neft hasil ediblər ki, bu da 2006-cı ilin analoji dövrü ilə müqayisədə 158,33 min ton (1,9 faiz) azdır. Bu barədə cümə günü Azərbaycan Dövlət Neft Şirkətindən (ARDNŞ) məlumat verilib.
2007-ci ilin yanvar-noyabrında suda və quruda ARDNŞ-ın Nef-Qaz Hasilatı İdarələri (NQHİ) tərəfindən neft hasilatı 6,98 mln. ton təşkil edib. Bu ötən ilin göstəricisindən 184,54 min ton (2,6 faiz) azdır. Yanvar-noyabrda xarici şirkətlər BM və ƏŞ çərçivəsində 1,09 mln. ton neft hasil ediblər ki, bu da 2006-cı ilin yanvar-noyabrdakı göstəricisindən 25,21 min ton (2,5 faiz) çoxdur.
Yanvar-noyabrda Azərbaycanda ümumi qaz hasilatı 8,99 mlrd. kubmetr təşkil edib. Bu da 2006-cı ilin analorji dövrüündən 2,83 mlrd. kubmetr (46,1 faiz) çoxdur. Yanvar-noyabrda ARDNŞ-ın NQHİ-nin payına 5,25 mlrd. kubmetr qaz hasilatı düşüb ki, bu da 2006-cı ilin yanvar-noyabrından 1,36 mlrd. kubmetr (35,1 faiz) çoxdur. BM və ƏŞ-ri bu dövr ərzində 131,57 mln. kubmetr qaz hasil ediblər. Bu göstərici ötən ilin analoji dövründən 17,89 mln. kubmetr (15,7 faiz) çoxdur.
Azərbaycan Beynəlxalq Əməliyyat Şirkəti (ABƏŞ) yanvar-noyabrda "Azəri-Çiraq-Günəşli" yatağından ARDNŞ üçün 2,25 mlrd. kubmetr səmt qazı hasil edib. Bu isə ötən ilin göstəricisindən 162,7 mln. kubmetr çoxdur.
Azərbaycanda 57 neft-qaz yatağı mövcuddur, onların 18-i suda, yerdə qalanları isə quruda yerləşir. Bu gün ARDNŞ-ın əməkdaş heyəti 60 min nəfərə yaxın təşkil edir. 2007-ci ilin yanvar-noyabrında Azərbaycanda neft və qaz hasilatı cədvəli:
Neft(min ton) | Noyabr | Yanvar - noyabr | ||
2007 | 2007 | 2006 | % | |
Cəmi | 721,06 | 8078,76 | 8237 | 98,1 |
NQHİ ARDNŞ | 620,66 | 6986 | 7170 | 97,4 |
BM və ƏŞ | 100,4 | 1092 | 1066 | 102,5 |
Qaz(mln. m3) | ||||
Cəmi | 862,78 | 8991 | 6156 | 146,1 |
NQHİ ARDNŞ | 552,16 | 5252,06 | 3886 | 135,1 |
BM və ƏŞ | 11,62 | 131,57 | 113,68 | 115,7 |
ABƏŞ (ARDNŞ üçün) | 117,01 | 2258 | 2096 | 107,8 |