Azərbaycan, Bakı, 02 aprel/ Trend , müxbir E.İsmayılov/ Azərbaycan Dövlət Neft Şirkətinin (ARDNŞ) Geofizika və Geologiya İdarəsi respublikanın quru ərazisində yerləşən "Böyümdağ-Təkçay" və "Muradxanlı" yataqlarında seysmik kəşfiyyat işlərini başa çatdırıb. Bu barədə çərşənbə günü İdarədən məlumat veriblər.
"Hazırda seysmik kəşfiyyat işlərinin gedişində əldə edilmiş məlumatlar öyrənilir", - ARDNŞ-dən bildiriblər. Tədqiqatlar yataqlar üzrə məlumatların alınması və qazma işlərinin genişləndirilməsi məqsədilə aparılıb.
Hazırda "Böyümdağ-Təkçay" sahəsində karbohidrogenlərin hasilatı həyata keçirilir. ARDNŞ-nin sifarişi ilə bu sahənin öyrənilməmiş hissələrində təkrar seysmik kəşfiyyat işləri aparılıb.
Əldə edilmiş materiallar "Muradxanlı-Cəfərli" sahəsinin geoloji quruluşunu yüksək keyfiyyətlə dəqiqləşdirməyə imkan verir", - İdarədən bildiriblər.