Azərbaycan, Bakı, 22 aprel/ Trend müxbir S.Əliyev/ Azərbaycan yeraltı qaz anbarlarına qaz vurulmasına başlayıb. Bu barədə çərşənbə axşamı hökumətdən məlumat veriblər. Qaz payız-qış mövsümündə istifadə edilmək üçün anbarlara vurulur.
Qaz anbarlarına ümumilikdə təqribən 1 mlrd. kubmetr qaz vurulacaq. Hazırda Azərbaycanın yeraltı qaz anbarlarında qaz ehtiyatı təqribən 300 mln. kubmetr təşkil edir.
Ötən il yeraltı qaz anbarlarına 1 mlrd. kubmetrdən çox qaz vurulub. Bu həcm 2007-2008-ci illərin qaz payız-qış mövsümündə abunəçilərin təmin edilməsi üçün istifadə edilib. Ötən dövrdə (2006-2007) qaz anbarlarına 1,024 mlrd. kubmetr qaz vurulub.
Azərbaycanda iki yeraltı qaz anbarı var - Qaradağ və Kalmaz.
Müəlliflə əlaqə saxlamaq üçün elektron ünvan: [email protected]