Azərbaycan, Bakı, 16 mart / Trend /
"Azərenerji" Səhmdar Cəmiyyəti (Azərbaycanda elektrik enerjisinin istehsalı və paylanması üzrə müəssisə) Novruz bayramı günlərində əhalinin fasiləsiz enerji ilə təmin edilməsi məqsədilə plan hazırlayıb. Bu barədə SC-nin məlumatında deyilir.
Bu gündən etibarən SC-nin şöbələri gücləndirilmiş iş rejiminə keçib. Bütün ehtiyat avadanlıqlar işlək vəziyyətə salınıb, növbətçi təmir briqadalarının sayı artırılıb.
SC-nin məlumatında bildirilir ki, elektrik enerjisi istehlakında artım olmasına baxmayaraq, enerji təminatında problem olmayacaq.