Azərbaycan, Bakı, 03 dekabr / Trend /
ARDNŞ Xəzər dənizinin Rusiya sektorundakı "Flanovski" yatağından kern nümunələri götürüb. Bu barədə ARDNŞ cümə axşamı məlumat yayıb.
Bu məqsədlərlə "Zöhrab Vəliyev" elmi-tədqiqat gəmisi ilə dərinliyi 80 metr olan 4 mühəndis geoloji quyusu qazılacaq. Gəmidə olan laboratoriyada süxurun ekspress analizi aparılacaq və onun fiziki-mexaniki xüsusiyyətləri öyrəniləcək.
Ekspedisiya artıq işlərin aparıldığı yerə yola düşüb. İşlər "Morinologiya" şirkətinin sifarişi çərçivəsində həyata keçiriləcək.