Londonda ekspertlər neftin nəqli üzrə Qazaxıstanın Xəzər sistemi layihəsini müzakirə edəcəklər
Azərbaycan, Bakı, 14 dekabr / Trend , müxbir E. ismayılov/
Yaxın vaxtlarda Londonda neftin nəqli üzrə Qazaxıstanın Xəzər sistemi layihəsi çərçivəsində ekspertlərin görüşü keçiriləcək, bazar ertəsi ARDNŞ-nin (Azərbaycan Respublikası Dövlət Neft Şirkəti) prezidenti Rövnəq Abdullayev deyib.
"Layihə çərçivəsində BM artıq yaradılıb. Hazırda texnki-iqtisadi əsaslandırma üzrə hazırlıq işləri aparılır. Londonda ARDNŞ mütəxəssislərinin iştirakı ilə bu layihə çərçivəsində görüş keçiriləcək", - Abdullayev deyib.
Onun sözlərinə görə, bu layihə çərçivəsində "müsbət irəliləyişlər" var.
Bu layihə ilkin mərhələdə nəqletmə imkanlarını 23 milyon ton həcmdə, növbəti artımla isə 35-56 milyon tonadək təmin etməlidir.