Azərbaycan, Bakı, 25 yanvar / Trend /
ARDNŞ-nin (Azərbaycan Respublikası Dövlət Neft Şirkəti) Geoloji Kəşfiyyat və Topoqrafiya İdarəsi Xəzərin Rusiya sektorunda aparılan mühəndis-geoloji işləri başa çatdırıb. Bu barədə ARDNŞ-nin Geologiya və Geofizika İdarəsinin məlumatında deyilir.
İşlərin sifarişçisi göstərilməyib.
İşlər ARDNŞ-nin balansında yerləşən "Zöhrab Vəliyev" qazma gəmisindən istifadə olunmaqla aparılıb.
Aparılan işlərdə məqsəd hidrotexniki qurğuların (stasionar platformalar, üzən qazma qurğuları və s.) quraşdırılması çərçivəsində yuxarı təbəqələrin öyrənilməsidir.