Azərbaycan, Bakı, 17 may / Trend /
Bakı elektrik stansiyası yanvar-aprel aylarında proqnozlaşdırılan 149,5 milyon kilovatt-saat əvəzinə, 161,4 milyon kilovatt-saata yaxın elektrik enerjisi istehsal edib. Bu barədə "Azərenerji" SC tərəfindən bazar ertəsi yayılan məlumatda deyilir.
Stansiya istismara verildiyi 2007-ci ildən etibarən, 2010-cu il mayın 1-nə olan məlumata görə, cəmi 1,81 milyard kilovatt-saat elektrik enerjisi istehsal edib.
Apreldə stansiyada 32,4 4 milyon kilovatt-saata yaxın elektrik enerjisi istehsal edilib ki, bu da ötən ilin analoji dövrünün göstəricisindən 900 min kilovatt-saat çoxdur.
12 aqreqatdan ibarət olan stansiyanın gücü 105 meqavatt təşkil edir.