Azərbaycan, Bakı, 8 iyul /Trend/
Yanvar-iyun aylarında "Azərenerji" SC (Azərbaycanın regionlarında elektrik enerjisinin istehsalı və paylanması) 9,5 milyard kilovat-saatdan artıq elektrik enerjisi istehsal edib. Bu barədə SC-nin cümə axşamı yaydığı məlumatda deyilir.
Yanvar-iyun aylarında SC tərəfindən istehsal olunan elektrik enerjisinin ümumi həcmindən 7,3 milyard kilovat-saata yaxın elektrik enerjisi istilik-elektrik stansiyalarının payına düşür. Yerdə qalan 2,2 milyard kilovat-saatdan artıq elektrik enerjisi isə su-elektrik stansiyalarında istehsal olunub.
İyunda SC 1,3 milyard kilovat-saatdan artıq elektrik enerjisi istehsal edib.