Аzərbaycan, Bakı, 10 iyul /Trend, müxbir E.İsmayılov/
Azərbaycan, Anqola və Əlcəzair "Statoil" şirkətinin biznesində mühüm əhəmiyyət kəsb edir, - bu barədə Yaxın Şərqdə "Statoil"un kəşfiyyat işləri üzrə meneceri Egel Rasmussen Pakistana səfəri çərçivəsində deyib.
"Anqola, Azərbaycan, Əlcəzair bizim biznesimiz üçün mühüm əhəmiyyət kəsb edir və hal-hazırda "Statoil" Pakistanda beynəlxalq mövcudluğunu genişləndirmək üçün diqqətini bu ölkəyə ayırıb", - Rasmussen deyib.
"Şirkət suyun 100 metrdən çox dərinliyində işləyən və son illər beynəlxalq səviyyədə əhəmiyyətli yüksəlişə nail olan dünyada böyük operatorlardan biri hesab olunur", - Rasmussen deyib.
"Statoil" Azərbaycanda ən böyük enerji layihələrinin iştirakçısıdır. Şirkət, xüsusilə, "Azəri-Çıraq Günəşli" yataqlar blokunun işlənib-hazırlanması layihəsinin iştirakçısıdır. "Statoil" Xəzərin Azərbaycan sektorunda "Şahdəniz" qaz-kondensat yatağının işlənib-hazırlanma layihəsinin birinci mərhələsinin ticari operatoru hesab olunur. Həmçinin, şirkət "Bakı-Tbilisi-Ceyhan" neft kəməri və "Bakı-Tbilisi- Ərzurum" qaz kəmərinin səhmdarlarından biridir.