Аzərbaycan, Bakı, 21 iyul /Trend/
"Ekol Mühəndislik Xidmətləri" QSC müqavilə çərçivəsində "Siyəzənneft" NQÇİ-nin mədən ərazilərindən 40 min kubmetrə qədər neftşlam çıxarıb. Bu barədə çərşənbə günü QSC-dən verilən məlumatda deyilir.
Neftlə çirklənmiş sahələrin təmizlənməsi və bioremediasiyasına dair müqavilə QSC ilə ARDNŞ-nın "Azneft" İstehsalat Birliyi arasında imzalanıb.
Həmçinin QSC-nin apardığı işlər çərçivəsində sahələrdən 25 min kubmetrə qədər çirkab su çıxarılıb, həmin sahələrə 75 min kubmetrə qədər torpaq daşınıb.
Abşeron yarımadasında mövcud ekoloji problemlərin həlli üçün 2006-cı il martın 1-də yaradılmış "Ekol Mühəndislik Xidmətləri" QSC-nin təsisçiləri ARDNŞ (51%) və Lancer S.A. Services-dir (49%).