Azərbaycan, Bakı, 22 iyul /Trend/
BMT-nin iqlim dəyişiklikləri üzrə çərçivə konvensiyasının İcraçı Şurasının qərarı ilə "Sumqayıt elektrik stansiyasının tikintisi layihəsi" təmiz inkişaf mexanizminin yekun mərhələsindən keçib. Bu barədə "Azərenerji" ASC-nin (Azərbaycanın regionlarında elektrik enerjisinin istehsalı və paylanması) cümə axşamı yaydığı məlumatda deyilir. Layihə ASC-nin Ekologiya İdarəsi tərəfindən təklif olunub.
Məlumatda deyildiyinə görə, qərar layihənin TUV alman şirkəti tərəfindən uğurlu auditi prosesindən dərhal sonra qəbul olunub.
ASC-nin məlumatında qeyd olunduğu kimi, indiyədək Azərbaycandan təmiz inkişaf mexanizmi layihələrindən heç biri bu mərhələyədək çatmayıb.
Sumqayıt elektrik stansiyasının açılışı 2009-cu il noyabrın 19-da keçirilib.
Məlumatda o da qeyd olunur ki, "Azərenerji" Azərbaycanda BMT-nin iqlim dəyişiklikləri üzrə çərçivə konvensiyası, eləcə də sertifikatlaşdırılmış karbon qazının azaldılması üzrə saziş çərçivəsində təqdim olunan layihələr üzrə liderdir.