Azərbaycan, Bakı, 8 sentyabr /Trend/
Yanvar-avqust aylarında ARDNŞ (Azərbaycan Respublikası Dövlət Neft Şirkəti) ortamüddətli müqavilə çərçivəsində Rusiyaya 557,4 milyon kubmetrə yaxın qaz ixrac edib. Bu göstərici yanvar-iyulda 494,6 milyon kubmetrdən çox olub. Bu barədə ARDNŞ-nin məlumatında deyilir.
Məlumata əsasən, avqustda Rusiyaya 62,74 milyon kubmetr Azərbaycan qazı ixrac edilib. İyulda bu göstərici 66,4 milyon kubmetrdən çox olub.
Azərbaycan qazının Rusiyaya alqı-satqısı üzrə ortamüddətli müqavilə oktyabrın 14-də Bakıda imzalanıb. 2010-2014-cü illəri əhatə edən müqavilə ARDNŞ (Azərbaycan Respublikası Dövlət Neft Şirkəti) ilə "Qazprom" şirkəti arasında imzalanıb. Müqaviləyə uyğun olaraq, Azərbaycan tərəfi hər il Rusiyaya 500 milyon kubmetrdən az olmayaraq qaz tədarük edəcək. Müqavilədə tədarük həcminin həddi göstərilməyib. ARDNŞ tədarük edə biləcəyi həcm barədə yarım il əvvəldən qarşı tərəfi xəbərdar edəcək.
Rusiyaya Azərbaycan qazının tədarükünə bu il yanvarın 1-dən başlanıb.
