Türkmənistan, Aşqabad, 16 oktyabr/Trend, müxbir H.Həsənov/
Aşqabadda Əfqanıstan və Türkmənistan arasında "iştirakçı ölkələrin xalqlarına firavanlıq gətirəcək" "Türkmənistan-Əfqanıstan-Pakistan-Hindistan" (TAPİ) qaz boru kəmərinin tikinti layihəsinin həyata keçirilməsi məsələsi ilə bağlı hökumətlərarası danışıqlar keçirilib. Bu barədə Milli telekanal "Altın Əsir" məlumat verib.
Bu məsələyə Türkəmistan Prezidenti Qurbanqlu Berdiməhəmmədovun əfqan nümayəndələri - maliyyə naziri Həzrət Ömər Zahilval, dağ sənayesi naziri Vahidulla Şəhrani və energetika və su resursları naziri Məhəmməd İsmayıl Xanla görüşü zamanı toxunulub.
Əfqan tərəfi Türkmənistanın BMT Baş Assambleyasının 65-ci sesiyasında Əfqanıstanın qlobal enerji təhlükəsizliyinin, sosial-iqtisadi dirçəlişinin, regionda sülhün və sabitliyin möhkəmlənməsinə aid səsləndirdiyi təşəbbüslərinə "tam dəstək" bildirib.
Tərəflər ticarət, istilik enerji kompleksi, nəqliyyat, elektrik enerjisi sahələrində gələcək qarşlıqlı fəaliyyət imkanları haqqında fikir mübadiləsi ediblər.