Azərbaycan, Bakı, 7 mart /Trend/
Yanvar-fevralda "Azərenerji" ASC tərəfindən 3,6 milyard kilovat-saat elektrik enerjisi istehsal edilib. Bu göstərici ötən ilin analoji dövründə 3,5 milyard kilovat-saatdan çox olub. Bu barədə SC-nin bazar ertəsi yaydığı məlumatda deyilir.
Məlumata əsasən, bu müddət ərzində istehsal edilən elektrik enerjisinin ümumi həcmindən 3,4 milyard kilovat-saata yaxını istilik elektrik stansiyalarının, qalanı isə su elektrik stansiyalarının payına düşüb.
Fevralda SC tərəfindən 1,8 milyard kilovat-saat elektrik enerjisi istehsal edilib. Bunun 1,6 milyard kilovat-saatdan çoxu istilik elektrik, 0,2 milyard kilovat-saatı su elektrik stansiyalarının payına düşüb. 2010-cu ilin fevralında SC tərəfindən 1,7 milyard kilovat-saata yaxın elektrik enerjisi istehsal edilib.