Azərbaycan, Bakı, 5 iyul /Trend, müxbir A.Axundov/
ARDNŞ Türkiyənin enerji bazarının tənzimləyicisi dövlət orqanından (EPDK) "SOCAR&Turcas" birgə müəssisəsində payın 51 faizdən 75 faizədək artırılması ilə bağlı sövdələşmənin həyata keçirilməsi üçün icazənin alınmasını gözləyir. Bu barədə çərşənbə axşamı "Petkim"dən deyiblər.
ARDNŞ və "Aksoy Holding" arasında müvafiq razılaşma artıq əldə olunub.
"Sövdələşmə EPDK-dan icazə alındıqdan sonra həyata keçiriləcək", - şirkətdən bildiriblər.
Əməliyyat "SOCAR&Turcas Enerji" şirkətinin daxilində nəzarətin dəyişməsinə səbəb olmayacaq, - Petkim-dən bildiriblər.
"SOCAR&Turcas" birgə müəssisəsində pay bölgüsü:
Şirkətlərin adı |
İnvestisiyanın həcmi (TL) |
Pay (%-lə) |
Sövdələşməyə qədər |
||
SOCAR |
102.000.000 |
%51,00 |
TURCAS PETROL A.Ş. |
50.000.000 |
%25,00 |
AKSOY HOLDING A.Ş. |
47.960.000 |
%23,98 |
ERDAL AKSOY |
20.000 |
% 0,01 |
SAFFET BATU AKSOY |
20.000 |
% 0,01 |
Sövdələşmədən sonra |
||
SOCAR |
149.959.999 |
%74,97 |
TURCAS PETROL A.Ş. |
50.000.000 |
%25,00 |
AKSOY HOLDING A.Ş. |
1 |
%0,0000005 |
ERDAL AKSOY |
20.000 |
% 0,01 |
SAFFET BATU AKSOY |
20.000 |
% 0,01 |
2008-ci ildə "SOCAR/Turcas Petrol/Injaz Projects" şirkətlər alyansı Türkiyənin "Petkim" neft-kimya holdinqində 51 faizlik səhm paketinin alınması üçün elan edilən tenderin qalibi olub. Buna görə alyansa 2,04 milyard dollar təklif edilib. Hazırda Türkiyə zəruri kimya məhsullarının 70-75 faizini idxal edir. "SOCAR/Turcas/Injaz"ın "Petkim"in inkişafına yatıracağı sərmayələr məhsul idxalını 30 faizədək azaltmağa imkan verəcək.
"Petkim Petrokimya Holdinq" plastik qablaşdırmalar, parçalar, PVC, yuyucu vasitələr istehsal edir və Türkiyədə bu məhsulların yeganə istehsalçısıdır. Şirkət məhsullarının ¼-ni ixrac edir.