Azərbaycan, Bakı, 29 sentyabr /Trend, müxbir E.İsmayılov/
Yeni çəkilmiş qaz kəmərinin qaz təchizatı mənbəyinə birləşdirilməsi işləri ilə əlaqədar olaraq, sentyabr 30-da saat 08:00-dan 18:00-dək "Yevlax-Balakən" magistral qaz kəmərində qaz təchizatı dayandırılacaq.
Trend-in cümə axşamı ARDNŞ-yə istinadən yaydığı məlumata görə, həmin müddət ərzində Şəki, Oğuz, Qax, Zaqatala və Balakən rayonlarına təbii qazın verilişində fasilələr yaranacaq.