Azərbaycan, Bakı, 8 iyun /Trend/
"Ümid" platformasından qazılmış 10 saylı ikinci quyu bu gün performasiya olunub və mənimsənilib.
Trend ARDNŞ-nin rəsmi saytına istinadən məlumat verir ki, quyu 6340-6356 metr intervalında Balaxanı lay dəstəsinin VII horizontunun aşağı hissəsində işə salınıb. Quyunun gündəlik verimi 1 milyon 200 min kubmetr qaz, 150 ton kondensat təşkil edir.
Bu quyunun məlumatları "Ümid" yatağının böyük karbohidrogen ehtiyatlarına malik olduğunu bir daha əyani şəkildə sübut edib.