Azərbaycan, Bakı, 13 aprel /Trend, müxbir A. Axundov/
Azərbaycan Respublikası Dövlət Neft Şirkəti (ARDNŞ) Xəzərin Azərbaycan sektorundakı "Ümid" qaz-kondensat yatağında yeni quyunun qazılmasını yekunlaşdırır. Trend-in məlumatına görə, bu barədə şənbə günü jurnalistlərə ARDNŞ-nin geologiya, geofizika və yataqların işlənməsi üzrə birinci vitse-prezidenti Xoşbəxt Yusifzadə deyib.
Onun sözlərinə görə, quyuda layihədə nəzərdə tutulan 6450 metrdən 6000 metri artıq qazılıb.
ARDNŞ bu yataqdakı ilk quyudan qaz və kondensatı quruya tədarükləri artıq həyata keçirir.