Azərbaycan, Bakı, 5 fevral /Trend, müxbir E.İsmayılov/
Gücü 400 MVt olan müasir qaz-turbin tipli "Şimal" Elektrik Stansiyasının (ES) müxtəlif bölgələrdə ümumi gücü 850 MVt olan modul tipli 7 elektrik və gücü 525 MVt olan "Sumqayıt" buxar-qaz tipli müasir elektrik stansiyalarının istifadəyə verilməsi, gücü 780 MVt olan "Cənub" ES-də quraşdırma işlərinin başa çatması son 5 il ərzində Azərbaycanın energetika sisteminin generasiya gücünü 30 faizə yaxın artırıb və yeniləyib.
Trend-in məlumatına görə, bu barədə energetika naziri Natiq Əliyevin "Azərbaycan" qəzetində dərc edilən məqaləsində deyilir.
Məqalədə qeyd olunur ki, energetika sisteminin generasiya gücü təkcə 2013-cü ildə 830 MVt artaraq 7000 MVt həddini keçib.