Azərbaycan, Bakı, 13 fevral /Trend, müxbir E.İsmayılov/
ARDNŞ-nin (Azərbaycan Respublikası Dövlət Neft Şirkəti) "Azəriqaz" İstehsalat birliyinin xərclərinin optimallaşdırması məqsədi ilə Zaqatala Regional Qaz İstismar İdarəsi yaradılıb. Bu barədə cümə axşamı Trend-ə İB-dən bildirilib.
"Azəriqaz"dan deyildiyi kimi, bu, İB strukturunda aparılan islahatlar çərçivəsində yaradılan ilk idarədir.
Regional idarə Şəki, Zaqatala, Oğuz, Balakən və Qax qaz istismar sahələrini birləşdirir: "Həmin dəyişikliklər xərclərin optimallaşdırılması məqsədilə aparılır və gələcəkdə belə struktur islahatları davam etdiriləcək".
2013-cü ildə "Azəriqaz" İB əhali qrupundan olan istehlakçılara 2,2 milyard kubmetrdən artıq qaz satıb.