...

ARDNŞ dövlət büdcəsinə ödənişləri artırıb

Energetika Materials 15 Aprel 2014 18:22 (UTC +04:00)
Azərbaycan Respublikası Dövlət Neft Şirkəti 2014-cü ilin mart ayında dövlət büdcəsinə 176 milyon 493 min manat vəsait ödəyib.
ARDNŞ dövlət büdcəsinə ödənişləri artırıb

Azərbaycan, Bakı, 15 aprel /Trend/

Azərbaycan Respublikası Dövlət Neft Şirkəti 2014-cü ilin mart ayında dövlət büdcəsinə 176 milyon 493 min manat vəsait ödəyib.

Trend ARDNŞ-nin rəsmi saytına istinadən məlumat verir ki, bu göstərici ötən ilin mart ayına nisbətən 57 milyon 17 min manat və ya 147,7 faiz çox olub. Ümumiyyətlə, 2014-cü ilin yanvar-mart aylarında büdcəyə 523 milyon 106 min manat vəsait ödənib. Bu göstərici 2013-ci ilin müvafiq dövrü ilə müqayisədə 137 milyon 114 min manat və ya 135,5 faiz çox olub.

Bundan əlavə, cari ilin mart ayında ARDNŞ Dövlət Sosial Müdafiə Fonduna 12 milyon 218 min manat vəsait köçürüb. Ümumiyyətlə, 2013-cü ilin yanvar-mart aylarında Şirkət tərəfindən Dövlət Sosial Müdafiə Fonduna ödəniş 37 milyon 38 min manat təşkil edib ki, bu da ötən ilin yanvar-mart aylarına nisbətən 49 min manat və ya 100,1 faiz çox olub.

Məqalədə:
Xəbər lenti

Xəbər lenti