Azərbaycan, Bakı, 13 may /Trend/
"Cənub Qaz Dəhlizi" layihəsinin reallaşdırılması qrafiki 30-32 faiz qabaqlayır. Trend-in məlumatına görə, bunu jurnalistlərə energetika naziri Natiq Əliyev deyib.
Onun sözlərinə əsasən, 2035-ci ildə dünyada enerji resurslarına tələbat artacaq.
N.Əliyev qeyd edib ki, bu, Azərbaycanın dünya enerji bazarında rolunun artmasına da xidmət edir: "Məqsədimiz yaxın 5 il ərzində qazı Avropaya çatdırmaqdır. "Cənub Qaz Dəhlizi" layihəsi qrafiki 30-32 faiz qabaqlamaqla reallaşdırılır. Eyni zamanda, Cənubi Qafqaz boru kəmərinin genişləndirilməsi və Səngəçal terminalının modernləşdirilməsi üzrə işlər uğurla aparılır".