Azərbaycan, Bakı, 11 iyun /Trend, müxbir Maksim Tsurkov/
Azərbaycan Respublikası Dövlət Neft Şirkəti tərəfindən 2015-ci ilin may ayında dövlət büdcəsinə 132 milyon 96 min manat vəsait ödənilib.
Trend SOCAR-ın saytına istinadən məlumat verir ki, 2015-ci ilin yanvar-may aylarında büdcəyə 605 milyon 42 min manat vəsait ödənilib. Bu, ötən ilin analoji dövrünün göstəricisindən 217,62 manat (26,5 faiz) azdır.
Bundan əlavə, cari ilin may ayında SOCAR Dövlət Sosial Müdafiə Fonduna 11 milyon 248 min manat vəsait köçürüb. 2015-ci ilin yanvar-may aylarında Şirkət tərəfindən Dövlət Sosial Müdafiə Fonduna ödəniş 57 milyon 842 min manat (5,8 faiz az) təşkil edib.