Bakı. Maksim Tsurkov - Trend:
Asiya İnkişaf Bankı (AİB) 2018-2020-ci illər üçün Azərbaycanda əməliyyatlar üzrə biznes planı təsdiq edib.
Trend-in bu barədə banka istinadən məlumat verir.
2018-2020-ci illərdə Azərbaycan AİB-dən vəsaitləri adi kapital ehtiyatlar şəklində alacaq. 3 il ərzində AİB tərəfindən kreditləşmə proqramının təxmini dəyəri 1,6 milyard dollar təşkil edəcək. Azərbaycan hökumətinin iştirak payını nəzərə almaqla layihələrin ümumi dəyəri 1,985 milyard dollara bərabərdir.
AİB-in vəsaitləri su (infrastruktur), nəqliyyat (avtomobil və dəmir yolu), enerji və dövlət sektorunun idarə olunması layihələrinə yönəldiləcək.