Bakı. Trend:
Bakıya səfəri çərçivəsində Rusiyanın “Kamaz-master” yarış komandası pilot-çempion Ayrat Mardeyevlə birlikdə bank VTB-nin (Azərbaycan) qonağı olub.
Bankdan Trend-ə verilən məlumata görə, çoxsaylı ralli çempionu Ayram Mardeyev bankın kollektivi ilə görüşüb. Səyahətlər zamanı pilotun rahatlığını təmin etmək üçün bank VTB (Azərbaycan) ona istənilən ölkədə istifadə edə biləcəyi “Bakı-Moskva” debet kartını hədiyyə edib.
“Bakı-Moskva” həm Azərbaycanda, həm xaricdə nağd və nağdsız əməliyyatlar üçün nəzərdə tutulan 24 və ya 36 aylıq (müştərinin istəyindən asılı olaraq) debet kartıdır. Kart, xaricdə aparılan nağdsız əməliyyatlar zamanı xərclənən məbləğin 0,5% həcmində Cash Back almağa imkan verir.
2005-ci ildən VTB “Kamaz-master” komandasının baş sponsorudur. Mətbuat-konfransı zamanı Ayrat Mardeyev VTB ilə tərəfdaşlıqdan danışıb: “Biz VTB ilə artıq 10 ildir ki, əməkdaşlıq edirik. VTB etibarlı tərəfdaşdır və buna görə mən onlara minnətdaram, bank hər zaman bizə dəstək olub. Bakıda biz VTB-nin Azərbaycan bölməsində olduq və bizi orda çox mehriban qarşıladılar. Rusiyanın VTB filiallarında adət etdiyimiz tanış və dost mühiti burda da görmək çox xoş və gözlənilməz idi”.
”Kamaz-master” komandası 30 ilə yaxındır ki, fəaliyyət göstərir və 10 ildən çoxdur ki, VTB komandanın yanındadır. Birlikdə biz çox məsələlərin öhdəsindən gəlmişik, biz hər zaman komanda ilə olub, onu dəstəkləməyə çalışırıq. VTB də “Kamaz-master” kimi qalibdir. Mən əminəm ki, bizim qarşıda hələ çox qələbələrimiz var – həm biznesdə, həm də idmanda” – deyə, VTB bankın Reklam və marketinq idarəsinin sponsorluq və xüsusi layihələr şöbəsinin eksperti Mariya Aleksandroviç qeyd edib.
Bank VTB (Azərbaycan) ASC VTB Bank ASC-nin törəmə bankıdır. Bank VTB (Azərbaycan) ASC-nin səhmdarları: VTB Bank ASC və “AtaHolding” MMC-dir. Bank VTB (Azərbaycan) ASC korporativ biznesi, kiçik və fərdi biznesi təmsil edən müştərilərə, eləcə də fiziki şəxslərə xidmət göstərir.
