Bakı. İlin Şəfiyev - Trend:
Vyetnam Azərbaycanın dövlət şirkəti SOCAR-ın milli neft-qaz sənayesində, enerji infrastrukturunda, həmçinin bu sahədə birgə müəssilər yaratmaqda maraqlıdır. Bu barədə Trend-ə hökümətdəki mənbə bildirib.
Mənbənin sözlərinə görə, Vyetnam həmçinin SOCAR-ın ölkənin neft-qaz sənayesinin modernləşdirilməsində iştirakında maraqlıdır.
O əlavə edib ki, bu gün vyetnamlı mütəxəssislərin SOCAR-ın müəssilərində treninq və təcrübə keçməsinin imkanları müzakirə olunur.
Mənbə bildirib ki, artıq neft, təbii qaz və neft-kimya sənayesi məhsulları ilə ticarət, həmçinin bu sahədə birgə layihələrin həyata keçirilməsi də daxil olmaqla neft-qaz sahəsinin marketinq sahəsində dövlət neft şirkətləri səviyyəsində əməkdaşlığı davam etdirməyə dair razılaşma var.
Azərbaycan Dövlət Gömrük Komitəsinin məlumatına əsasən, Vyetnamla 2018-ci ilin yanvar-aprel aylarında əmtəə dövriyyəsi 15,86 milyon dollar təşkil edib. Bunun təxminən 630 min dollar Azərbaycan məhsullarının Vyetnama ixracının payına düşüb. İl ərzində iki ölkə arasında əmtəə dövriyyəsi 65,2 faiz artıb.