Bakı. Trend:
2018-ci il sentyabrın 1-nə "Azəri-Çıraq-Günəşli" (AÇG) yataqlar bloku və "Şahdəniz" yatağı üzrə gəlirlər açıqlanıb.
Trend-in məlumatına görə, AÇG üzrə əldə olunan ümumi gəlirlər (2001-ci ildən etibarən) 135 142 milyon ABŞ dolları təşkil edib.
Bu ilin əvvəlindən sentyabrın 1-dək AÇG yatağından 6 656 milyon dollar gəlir əldə olunub. "Şahdəniz" yatağı üzrə kondensatın satışından əldə olunan gəlirlər isə 115 milyon dollar olub.
"Şahdəniz" yatağı üzrə qazın satışından əldə olunan ümumi gəlirlər (2007-ci ildən etibarən) 2 506 milyon dollar təşkil edib.